PËR DISA NDRYSHIME DHE SHTESA NË LIGJIN NR. 53/2014, “PËR SIGURIMIN E DEPOZITAVE”

Lloji: Ligj

Fletore Zyrtare: nr. 77, datë 2016-05-09

LIGJ

Nr. 39/2016

PËR DISA NDRYSHIME DHE SHTESA NË LIGJIN NR. 53/2014, “PËR SIGURIMIN

E DEPOZITAVE”1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 53/2014, “Për sigurimin e depozitave”, bëhen këto ndryshime dhe shtesa:

Neni 1

Në nenin 3, “Përkufizime”, bëhen shtesat dhe ndryshimet e mëposhtme:

1. Në pikën 13, shkronja “b” ndryshohet si më poshtë:

“b) çdo shumë parash që anëtari, depozituesi i shoqërisë së kursim-kreditit depoziton pranë

saj, në përputhje me legjislacionin në fuqi për shoqëritë e kursim-kreditit.”.

2. Pika 17 ndryshohet si më poshtë:

“17. “Depozitues” është çdo person fizik, tregtar dhe shoqëri tregtare, të cilët kanë të drejtën

e përfitimit të pagesës së një depozite nga një subjekt, anëtar i skemës së sigurimit të depozitave,

përfshirë këtu titullarin me të drejta të plota të një depozite në bashkëpronësi dhe çdo përfitues të një

depozite të palës së tretë.”.

3. Pas pikës 31 shtohen pikat 32, 33 dhe 34 me këtë përmbajtje:

“32. “Person fizik” ka kuptimin e përcaktuar në Kodin Civil të Republikës së Shqipërisë, të

miratuar me ligjin nr. 7850, datë 29.7.1994, të ndryshuar.

33. “Tregtar” ka kuptimin e përcaktuar në ligjin nr. 9901, datë 14.4.2008, “Për tregtarët dhe

shoqëritë tregtare” dhe/ose çdo ligj ndryshues i tij.