PËR DISA SHTESA DHE NDRYSHIME NË LIGJIN NR. 138/2015 “PËR GARANTIMIN E INTEGRITETIT TË PERSONAVE QË ZGJIDHEN, EMËROHEN OSE USHTROJNË FUNKSIONE PUBLIKE”

Lloji: Ligj

Fletore Zyrtare: nr. 77, datë 2016-05-09

LIGJ

Nr. 38/2016

PËR DISA SHTESA DHE NDRYSHIME NË LIGJIN NR. 138/2015

“PËR GARANTIMIN E INTEGRITETIT TË PERSONAVE QË ZGJIDHEN,

EMËROHEN OSE USHTROJNË FUNKSIONE PUBLIKE”

Në mbështetje të neneve 6/1, 81, pikat 1 dhe 2 dhe 83, pika 1, të Kushtetutës, me

propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 138/2015 “Për garantimin e integritetit të personave që zgjidhen, emërohen ose

ushtrojnë funksione publike”, bëhen këto shtesa dhe ndryshime:

Neni 1

Në nenin 4 bëhen këto ndryshime:

1. Në pikat 1 dhe 2, fjalët “Për personat që parashikohen” zëvendësohen me fjalët “ Për

personat e dënuar për veprat penale që parashikohen”;

2. Në pikat 3 dhe 4, fjalët “Për personat që parashikohen” zëvendësohen me fjalët “ Për

personat e dënuar për kryerjen e një krimi që parashikohet”;

3. Pika 6 ndryshohet si më poshtë:

“6. Për personat e dëbuar sipas parashikimeve të shkronjës “b”, të pikës 2, të nenit 2, të këtij

ligji, kohëzgjatja e ndalimit për kandidim, zgjedhje apo ushtrim të funksionit është:

i) përjetë për dëbim, në lidhje me rastet e parashikuara nga neni 2, pika 1, shkronja “a”;

ii) 20 vjet për dëbim, në lidhje me rastet e parashikuara nga neni 2, pika 1, shkronja “b”;

iii) 10 vjet për dëbim, në lidhje me rastet e parashikuara nga neni 2, pika 1, shkronja “c”,