PËR VULLNETARIZMIN

Lloji: Ligj

Fletore Zyrtare: nr. 92, datë 2016-05-31

LIGJ

Nr. 45/2016

PËR VULLNETARIZMIN

Në mbështetje të neneve 78, 81, pika 1, dhe 83, pika 1, të Kushtetutës, me propozimin e

deputeteve Kejdi Mehmetaj dhe Silva Caka,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton parimet kryesore, si dhe kushtet dhe kriteret për kryerjen e

vullnetarizmit në Republikën e Shqipërisë.

Neni 2

Qëllimi

Ky ligj synon rregullimin ligjor të vullne -tarizmit, me qëllim rritjen e angazhimit qytetar

dhe rritjen e pjesëmarrjes së individëve në jetën sociale për përmirësimin e cilësisë së jetës në

komunitet, si dhe zhvillimin e vlerave të solida-ritetit njerëzor.

Neni 3

Fusha e zbatimit

1. Ky ligj zbatohet për të gjitha subjektet që kryejnë, përfitojnë ose ofrojnë vullnetarizëm

në Republikën e Shqipërisë.

2. Ky ligj nuk zbatohet për:

a) kryerjen e punëve ose shërbimeve që një person është i detyruar t’i kryejë për një

person tjetër, sipas legjislacionit në fuqi dhe që nuk janë objekt i këtij ligji;

b) kryerjen e punëve ose shërbimeve që janë të zakonshme në familje, shoqëri apo në

marrëdhëniet e fqinjësisë;

c) dhurimin e gjakut;

ç) realizimin e detyrimeve të caktuara me vendim gjykate të formës së prerë.

Neni 4

Vullnetarizmi

1. Vullnetarizmi është investimi me vullnet të lirë i kohës, njohurive dhe aftësive për