PËR DISA NDRYSHIME NË LIGJIN NR. 7895, DATË 27.1.1995, “KODI PENAL I REPUBLIKËS SË SHQIPËRISË”, TË NDRYSHUAR

Lloji: Ligj

Fletore Zyrtare: nr. 151, datë 2016-08-11

LIGJ

Nr. 82/2016

PËR DISA NDRYSHIME NË LIGJIN NR. 7895, DATË 27.1.1995, “KODI PENAL I

REPUBLIKËS SË SHQIPËRISË”, TË NDRYSHUAR

Në mbështetje të neneve 81, pika 2, shkronja “d”, dhe 83, pika 1, të Kushtetutës, me propozimin

e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7895, datë 27.1.1995, “Kodi Penal i Republikës së Shqipërisë”, të ndryshuar, bëhen

këto ndryshime:

Neni 1

Në nenin 55, paragrafi i dytë, i ndryshuar me ligjin nr. 135/2015, “Për disa ndryshime dhe shtesa

në ligjin nr. 7895, datë 27.1.1995, “Kodi Penal i Republikës së Shqipërisë””, shfuqizohet.

Neni 2

Neni 278 riformulohet si më poshtë:

“Neni 278

Mbajtja pa leje dhe prodhimi i armëve, armëve shpërthyese dhe i municionit

Mbajtja e armëve, e armëve shpërthyese ose e lëndëve plasëse në automjete apo në çdo mjet tjetër

të motorizuar, në mjedise publike ose në mjedise të hapura për publikun, pa lejen e organeve kompe-

tente shtetërore, dënohet me burgim nga tre deri në shtatë vjet.

Mbajtja e municioneve luftarake, pa lejen e organeve kompetente shtetërore, përbën kundër-vajtje

penale dhe dënohet me gjobë ose me burgim deri në dy vjet.

Mbajtja e armëve në banesë, pa lejen e organeve kompetente shtetërore, dënohet me burgim nga

një deri në tre vjet.

Mbajtja e armëve shpërthyese ose lëndëve plasëse në banesë, pa lejen e organeve kompetente