PËR RATIFIKIMIN E MARRËVESHJES KUADËR NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE FONDIT GLOBAL KUNDËR SIDA-s, TUBERKULOZIT DHE MALARIES

Lloji: Ligj

Fletore Zyrtare: nr. 146, datë 2016-08-05

LIGJ

Nr. 83/2016

PËR RATIFIKIMIN E MARRËVESHJES KUADËR NDËRMJET KËSHILLIT TË

MINISTRAVE TË REPUBLIKËS SË SHQIPËRISË DHE FONDIT GLOBAL KUNDËR

SIDA-s, TUBERKULOZIT DHE MALARIES

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja kuadër ndërmjet Këshillit të Ministrave të Republikës së Shqipërisë dhe

Fondit Global kundër SIDA -s, Tuberkulozit dhe Malaries, sipas tekstit që i bashkëlidhet këtij ligji dhe

është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 25.7.2016

Shpallur me dekretin nr. 9715, datë 1.8.2016, të Presidentit të Republikës së Shqipërisë, Bujar

Nishani

MARRËVESHJA KUADËR

NDËRMJET FONDIT GLOBAL PËR LUFTËN KUNDËR SIDA-s, TUBERKULOZIT DHE

MALARIES DHE KËSHILLIT TË MINISTRAVE TË REPUBLIKËS SË SHQIPËRISË

Kjo Marrëveshje Kuadër (Marrëveshja Kuadër), datë ____________ (data e hyrjes në fuqi), është

lidhur nga dhe ndërmjet Fondit Global kundër SIDA -s, Tuberkulozit dhe Malaries (Fondi Global) dhe

Republikës së Shqipërisë (Marrësi i Fondit) (Fondi Global dhe Marrësi i Grantit, më poshtë të referuar

bashkërisht si “Palët” dhe individualisht si “Pala”),

duke pasur parasysh se Fondi Global është krijuar në janar të vitit 2002 si një institucion financimi