PËR DISA NDRYSHIME DHE SHTESA NË LIGJIN NR. 8537, DATË 18.10.1999, “PËR BARRËT SIGURUESE”, TË NDRYSHUAR

Lloji: Ligj

Fletore Zyrtare: nr. 207, datë 2016-11-04

LIGJ

Nr. 101/2016

PËR DISA NDRYSHIME DHE SHTESA NË LIGJIN NR. 8537, DATË 18.10.1999, “PËR

BARRËT SIGURUESE”,

TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8537, datë 18.10.1999, “Për barrët siguruese”, të ndryshuar, bëhen këto ndryshime

dhe shtesa si më poshtë:

Neni 1

Në nenin 1 bëhen këto ndryshime e shtesa:

1. Paragrafi i dytë ndryshohet si më poshtë:

“Barrë siguruese - është një e drejtë reale mbi pasuri të paprekshme ose pasuri të luajtshme të

prekshme, si të tashme, ashtu dhe të ardhme, që siguron një ose më shumë detyrime që kanë lindur

përpara ose pas lidhjes së marrëveshjes siguruese.”.

2. Paragrafi i gjashtë ndryshohet si më poshtë:

“Ceduesi - është personi, ndaj të cilit debitori i llogarisë ka një borxh dhe i cili e transferon këtë

borxh te një person tjetër. Për efekt të këtij ligji, ceduesi trajtohet si barrëdhënës kur cedimi është kryer

nëpërmjet barrës siguruese ose shitjes së llogarive.”.

3. Paragrafi i shtatë ndryshohet si më poshtë:

“Cesionari - është personi, të cilit ceduesi i transferon llogarinë që debitori i llogarisë i detyrohet

ose do t’i detyrohet në të ardhmen. Për efekt të këtij ligji, cesionari trajtohet si barrëmarrës kur cedimi

është kryer nëpërmjet barrës siguruese apo shitjes së llogarive.”.