Për lejimin e hyrjes, në territorin e Republikës së Shqipërisë, të disa njësive të forcave ushtarake të shteteve të Bashkuara të Amerikës, në kuadër të operacionit të masave të sigurisë, për vizitën e presidentit amerikan në shqipëri

Lloji: Akt normativ

Fletore Zyrtare: nr. 62, datë 2007-05-31

AKT NORMATIV

Nr.1, datë 25.5.2007

PËR LEJIMIN E HYRJES, NË TERRITORIN E REPUBLIKËS SË SHQIPËRISË, TË DISA

NJËSIVE TË FORCAVE USHTARAKE TË SHTETEVE TË BASHKUARA TË AMERIKËS,

NË KUADËR TË OPERACIONIT TË MASAVE TË SIGURISË, PËR VIZITËN E

PRESIDENTIT AMERIKAN NË SHQIPËRI

Në mbështetje të neneve 2, pika 3, 12, pika 3, dhe 101, të Kushtetutës, me propozimin e

Ministrit të Mbrojtjes, Këshilli i Ministrave

VENDOSI:

Neni 1

Lejimin e hyrjes, qëndrimit dhe të lëvizjes, në territorin e Republikës së Shqipërisë, të njësive

të forcave ushtarake të Shteteve të Bashkuara të Amerikës dhe të mjeteve të tyre ushtarake, për

pjesëmarrjen në operacionin e përbashkët për masat e sigurisë, para dhe gjatë vizitës së Presidentit të

SHBA-së, në Shqipëri.

Neni 2

Republika e Shqipërisë, në kuadër të operacionit të përbashkët për masat e sigurisë, vë në

dispozicion hapësirën tokësore, detare dhe ajrore, përfshirë portet dhe aeroportet, si dhe krijon

lehtësitë e nevojshme për kryerjen e këtij misioni.

Neni 3

Njësitë e forcave ushtarake të SHBA-së, të angazhuara në operacionin e përbashkët për masat

e sigurisë, lejohen të kryejnë veprimet e përshtatshme ndaj çdo lloj kërcënimi apo rreziku, që mund të

cenojë sigurinë e vizitës, duke përdorur, nëse është e nevojshme, edhe forcën, në përputhje me

intensitetin e rrezikut apo të kërcënimit.