PËR DISA SHTESA NË LIGJIN NR. 9584, DATË 17.7.2006, “PËR PAGAT, SHPËRBLIMET DHE STRUKTURAT E INSTITUCIONEVE TË PAVARURA KUSHTETUESE DHE TË INSTITUCIONEVE TË TJERA TË PAVARURA, TË KRIJUARA ME LIGJ”, TË NDRYSHUAR

Lloji: Ligj

Fletore Zyrtare: nr. 265, datë 2016-12-31

LIGJ

Nr. 136/2016

PËR DISA SHTESA NË LIGJIN NR. 9584, DATË 17.7.2006, “PËR PAGAT,

SHPËRBLIMET DHE STRUKTURAT E INSTITUCIONEVE TË PAVARURA

KUSHTETUESE DHE TË INSTITUCIONEVE TË TJERA TË PAVARURA, TË

KRIJUARA ME LIGJ”,

TË NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozim deputeti,

KUVENDI

I REPUBLIKËS SË SHQIPËRISË:

VENDOSI:

Në ligjin nr. 9584, datë 17.7.2006, “Për pagat, shpërblimet dhe strukturat e institucioneve të pavarura

kushtetuese dhe të institucioneve të tjera të pavarura, të krijuara me ligj”, të ndryshuar, bëhen këto shtesa:

Neni 1

Në nenin 2, pika 1, shtohet emërtimi “Autoriteti për Informimin mbi Dokumentet e ish-Sigurimit të

Shtetit” .

Neni 2

Në lidhjen nr.1, që përmendet në nenin 4, bëhen këto shtesa:

1. Në klasifikimin “D”, pas pikës 10 shtohet pika 11 me këtë përmbajtje:

“11. Kryetari i Autoritetit për Informimin mbi Dokumentet e ish-Sigurimit të Shtetit 0,6.”.

2. Në klasifikimin “E”, pas pikës 4 shtohet pika 5 me këtë përmbajtje:

“5. Anëtarët e Autoritetit për Informimin mbi Dokumentet e ish-Sigurimit të Shtetit 0,55”.

Neni 3

Dispozitë kalimtare

Për anëtarët e Autoritetit për Informimin mbi Dokumentet e ish-Sigurimit të Shtetit, ky ligj i shtrin

efektet financiare nga data e emërimit në detyrë.

Neni 4

Ky ligj hyn në fuqi 15 ditë pas botimit në Fletoren Zyrtare.

Miratuar në datën 22.12.2016