PËR DISA SHTESA DHE NDRYSHIME NË LIGJIN NR. 10 129, DATË 11.5.2009, “PËR GJENDJEN CIVILE”, TË NDRYSHUAR

Lloji: Ligj

Fletore Zyrtare: nr. 265, datë 2016-12-31

LIGJ

Nr. 134/2016

PËR DISA SHTESA DHE NDRYSHIME NË LIGJIN NR. 10 129, DATË 11.5.2009, “PËR

GJENDJEN CIVILE”,

TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 129, datë 11.5.2009, “Për gjendjen civile”, të ndryshuar, bëhen shtesat dhe ndryshimet

si më poshtë:

Neni 1

Në nenin 2, pika 2, pas fjalëve “Regjistri Kombëtar i Gjendjes Civile” shtohen fjalët “i vitit 2010 (në

vijim Regjistri Kombëtar)”.

Neni 2

Në nenin 11, pas fjalës “shtetësia” shtohen fjalët “ushtrimi i përgjegjësisë prindërore”.

Neni 3

Neni 13 ndryshohet si më poshtë:

“Neni 13

Gjendja civile e një personi mund të jetë:

a) “beqar/e”, shtetasi, i cili nuk ka lidhur akt martese;

b) “i/e martuar”, shtetasi, i cili është lidhur me akt martese;

c) “i/e ve”, shtetasi, të cilit i ka vdekur bashkëshorti/ja, me të cilin ishte i/e lidhur me akt martese;

ç) “i/e divorcuar”, shtetasi, martesa e të cilit është zgjidhur me vendim gjyqësor të formës së prerë.”.

Neni 4

Në nenin 14, pika 1, pas fjalës “së Shqipërisë”, shtohen fjalët “ose jashtë vendit”.

Neni 5

Neni 17 ndryshohet si më poshtë:

“Neni 17

1. Një person apo një ose më shumë familje kanë të drejtë të banojnë në vendbanimin e një personi