PËR RIMËKËMBJEN DHE NDËRHYRJEN E JASHTËZAKONSHME NË BANKA, NË REPUBLIKËN E SHQIPËRISË

Lloji: Ligj

Fletore Zyrtare: nr. 263, datë 2016-12-31

LIGJ

Nr. 133/2016

PËR RIMËKËMBJEN DHE NDËRHYRJEN E JASHTËZAKONSHME NË BANKA, NË

REPUBLIKËN E SHQIPËRISË1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

SEKSIONI 1

OBJEKTI, FUSHA E ZBATIMIT DHE PËRKUFIZIME

Neni 1

Objekti

Objekti i këtij ligji është:

a) përcaktimi i rregullave, i procedurave dhe i instrumenteve për rimëkëmbjen dhe ndërhyrjen e

jashtëzakonshme në banka dhe degët e bankave të huaja;

b) përcaktimi i kompetencave dhe i detyrave të autoritetit të ndërhyrjes së jashtëzakonshme dhe të

autoritetit mbikëqyrës;

c) krijimi, financimi dhe përdorimi i fondit të ndërhyrjes së jashtëzakonshme, si dhe administrimi i tij.

Neni 2

Qëllimi

Qëllimi i këtij ligji është krijimi i kuadrit ligjor për rimëkëmbjen dhe ndërhyrjen e jashtëzakonshme në

banka dhe degët e bankave të huaja në Republikën e Shqipërisë.

Neni 3

Subjektet

Subjekte të këtij ligji janë bankat dhe degët e bankave të huaja, të licencuara nga Banka e Shqipërisë,

sipas legjislacionit në fuqi.

Neni 4

Përkufizime

Në këtë ligj termat e mëposhtëm kanë këto kuptime:

1. “Administrator” janë anëtarët e organeve të administrimit të bankës.

2. “Aksionarët” janë personat, të cilët zotërojnë aksionet ose instrumente të tjera të pronësisë.