PËR DISA SHTESA DHE NDRYSHIME NË LIGJIN NR. 8116, DATË 29.3.1996, “KODI I PROCEDURËS CIVILE I REPUBLIKËS SË SHQIPËRISË”, TË NDRYSHUAR

Lloji: Ligj

Fletore Zyrtare: nr. 98, datë 2017-05-05

LIGJ

Nr. 38/2017

PËR DISA SHTESA DHE NDRYSHIME NË LIGJIN NR. 8116, DATË 29.3.1996, “KODI I PROCEDURËS CIVILE I REPUBLIKËS SË SHQIPËRISË”,

TË NDRYSHUAR

Në mbështetje të neneve 81, pika 2, dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8116, datë 29.3.1996 “Kodi i Procedurës Civile i Republikës së

Shqipërisë”, të ndryshuar, bëhen këto shtesa e ndryshime:

Neni 1

Neni 11 ndryshohet si më poshtë:

“Neni 11

Provat

Provat janë të dhëna që merren prej burimeve dhe sipas rregullave të parashikuara në këtë Kod dhe ligje të tjera, të cilat vërtetojnë ose rrëzojnë pretendimet ose prapësimet e pjesëmarrësve në proces.”.

Neni 2

Neni 25 ndryshohet si më poshtë:

“Neni 25

Pajtimi dhe ndërmjetësimi i palëve

Është detyrë e gjykatës që të bëjë përpjekje për të pajtuar palët në mosmarrëveshje dhe/ose të njoftojë e të udhëzojë palët për mundësinë e zgjidhjes së mosmarrëveshjes me ndërmjetësim.”.

Neni 3

Neni 34 ndryshohet si më poshtë:

“Neni 34

Abuzimi me të drejtat në proces