PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË PËR PROGRAMIN “NË MBËSHTETJE TË ARSIMIT DHE FORMIMIT PROFESIONAL (AFP) NËPËRMJET INOVACIONIT”

Lloji: Ligj

Fletore Zyrtare: nr. 93, datë 2017-05-03

LIGJ

Nr. 51/2017

PËR RATIFIKIMIN E MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË ITALISË PËR PROGRAMIN “NË MBËSHTETJE TË ARSIMIT DHE FORMIMIT PROFESIONAL (AFP) NËPËRMJET INOVACIONIT”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Italisë për programin “Në mbështetje të arsimit dhe formimit profesional (AFP) nëpërmjet inovacionit”, sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 13.4.2017

Shpallur me dekretin nr. 10221, datë 27.4.2017 të Presidentit të Republikës së Shqipërisë, Bujar Nishani

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË TË PËRFAQËSUAR NGA MINISTRIA E MIRËQENIES SOCIALE DHE RINISË

DHE QEVERISË SË REPUBLIKËS ITALIANE TË PËRFAQËSUAR NGA MINISTRIA E PUNËVE TË JASHTME DHE BASHKËPUNIMIT NDËRKOMBËTAR

NË LIDHJE ME

Programin në Mbështetje të Arsimit dhe Formimit Profesional (AFP)

nëpërmjet Inovacionit

Qeveria e Republikës Italiane (QRI) dhe Këshilli i Ministrave i Republikës së Shqipërisë (QRSH), të dyja të referuara bashkërisht si “Palët” dhe veçmas si “Palë",