PËR RATIFIKIMIN E MARRËVESHJES ME SHKËMBIM NOTASH, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS FEDERALE TË GJERMANISË, PËR BASHKËPUNIMIN TEKNIK PËR ZBATIMIN E PROJEKTIT “ZHVILLIMI I QËNDRUESHËM I INTEGRUAR I RAJONIT BREGDETAR”

Lloji: Ligj

Fletore Zyrtare: nr. 102, datë 2017-05-10

LIGJ

Nr. 65/2017

PËR RATIFIKIMIN E MARRËVESHJES ME SHKËMBIM NOTASH, NDËRMJET

KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË

REPUBLIKËS FEDERALE TË GJERMANISË, PËR BASHKËPUNIMIN TEKNIK PËR

ZBATIMIN E PROJEKTIT “ZHVILLIMI I QËNDRUESHËM I INTEGRUAR I RAJONIT

BREGDETAR”

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja me shkëmbim notash ndërmjet Këshillit të Ministrave të Republikës së

Shqipërisë dhe Qeverisë së Republikës Federale të Gjermanisë për bashkëpunimin teknik për zbatimin e

projektit “Zhvillimi i qëndrueshëm i integruar i rajonit bregdetar”, sipas tekstit bashkëlidhur këtij ligji dhe

pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 20.4.2017

Shpallur me dekretin nr. 10272, datë 4.5.2017 të Presidentit të Republikës së Shqipërisë, Bujar

Nishani

Ambasadori

i Republikës Federale të Gjermanisë

Numri i dosjes: Wi 445 TZ 125

Tiranë, më 26 Shtator 2016

Zoti Ministër,

Kam nderin, që në emër të Qeverisë së Republikës Federale të Gjermanisë, duke ju referuar protokollit

të bisedimeve ndërqeveritare të datës 12 korrik 2016 si dhe në zbatim të marrëveshjes mbi Bashkëpunimin