Për DISA NDRYSHIME DHE SHTESA NË LIGJIN NR. 108/2014, “PËR POLICINË E SHTETIT”, TË NDRYSHUAR

Lloji: Ligj

Fletore Zyrtare: nr. 102, datë 2017-05-10

LIGJ

Nr. 58/2017

PËR DISA NDRYSHIME DHE SHTESA NË LIGJIN NR. 108/2014, “PËR POLICINË E

SHTETIT”, TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 108/2014, “Për Policinë e Shtetit”, të ndryshuar, bëhen këto shtesa dhe

ndryshime:

Neni 1

Në nenin 2 hiqen fjalët “ruajtjen e personaliteteve të larta shtetërore dhe objekteve të rëndësisë

së veçantë”.

Neni 2

1. Në nenin 6 bëhen shtesat dhe ndryshimet e mëposhtme:

a) pika 15 shfuqizohet;

b) pas pikës 29 shtohen pikat 30 dhe 31 me këtë përmbajtje:

“30. “Vërtetimi i besueshmërisë” është dokument i miratuar nga Drejtori i Përgjithshëm i

Policisë së Shtetit, i cili pasqyron rezultatet e verifikimit të të dhënave të vetëdeklaruara në raport me

ato të regjistrave fizikë dhe elektronikë të policisë dhe institucioneve të tjera shtetërore, që lëshohet nga

autoritetet vendore të Policisë së Shtetit, për shtetasin/personin, i cili pranohet apo rikthehet në

Policinë e Shtetit.

31. “Policimi vullnetar” është ofrimi vullnetar i shtetasve, në ndihmë të Policisë së Shtetit për

ruajtjen e rendit, qetësisë publike, parandalimin e krimit dhe përballimin e situatave të emergjencave

civile.”.

2. Kudo në ligj:

a) Fjalët “Drejtor i Policisë së Shtetit” zëvendësohen me fjalët “Drejtor i Përgjithshëm i

Policisë së Shtetit”.