Për disa ndryshime në ligjin nr.9643, datë 20.11.2006 “Për prokurimin publik”, të ndryshuar

Lloji: Akt normativ

Fletore Zyrtare: nr. 92, datë 2010-07-20

AKT NORMATIV

Nr.3, datë 8.7.2010

PËR DISA NDRYSHIME NË LIGJIN NR.9643, DATË 20.11.2006 “PËR PROKURIMIN

PUBLIK”, TË NDRYSHUAR

Në mbështetje të nenit 101 të Kushtetutës, me propozimin e Kryeministrit, Këshilli i

Ministrave

VENDOSI:

Në ligjin nr.9643, datë 20.11.2006 “Për prokurimin publik”, të ndryshuar, bëhen

ndryshimet e mëposhtme:

Neni 1

Në pikën 2 të nenit 13, bëhen këto ndryshime:

1.Shkronja “g” ndryshohet, si më poshtë vijon:

“g) Monitoron mbarëvajtjen e sistemit të prokurimit publik nëpërmjet inf ormacioneve të

marra nga raportet periodike të autoriteteve kontraktore, si dhe nga raportet e organit qendror

blerës apo Avokatit të Prokurimeve. Procedurat e monitorimit miratohen me vendim të Këshillit

të Ministrave.”.

2.Shkronjat “gj” dhe “h” shfuqizohen.

Neni 2

Nenet 65 dhe 66 shfuqizohen.

Neni 3

Në shkronjën “b” të pikës 1 të nenit 71, fjalët “…si dhe kërkon mbështetje në

vendimmarrje për trajtimin e ankesave apo për dhënien e masave administrative ndaj personave

përgjegjës…”, shfuqizohen.

Neni 4

Hyrja në fuqi

Ky akt normativ hyn në fuqi menjëherë dhe botohet në Fletoren Zyrtare.

KRYEMINISTRI

Sali Berisha