PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË AUSTRISË PËR MBROJTJEN SHOQËRORE

Lloji: Ligj

Fletore Zyrtare: nr. 51, datë 2018-04-12

LIGJ

Nr. 14/2018

PËR RATIFIKIMIN E MARRËVESHJES NDËRMJET REPUBLIKËS SË SHQIPËRISË DHE REPUBLIKËS SË AUSTRISË PËR MBROJTJEN SHOQËRORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Republikës së Austrisë për mbrojtjen shoqërore, sipas tekstit që i bashkëlidhet këtij ligji dhe është pjesë përbërëse tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 29.3.2018

Shpallur me dekretin nr. 10759, datë 11.4.2018, të Presidentit të Republikës së Shqipërisë, Ilir Meta

MARRËVESHJE

NDËRMJET REPUBLIKËS SË SHQIPËRISË DHE REPUBLIKËS SË AUSTRISË

PËR MBROJTJEN SHOQËRORE

Republika e Shqipërisë dhe Republika e Austrisë, të cilat në vijim do të quhen “shtete kontraktuese”, me dëshirën për të rregulluar marrëdhëniet e tyre reciproke në fushën e mbrojtjes shoqërore, bien dakord për marrëveshjen në vijim.

PJESA I

DISPOZITA TË PËRGJITHSHME

Neni 1

Përkufizimi i termave

1. Në këtë marrëveshje, termat e poshtëshënuar përkufizohen si vijon:

1) “Dispozita ligjore”, ligjet, aktet nënligjore, statutet dhe gjithë dispozitat e tjera të zbatueshme, të cilat u referohen degëve të Mbrojtjes Shoqërore, të përcaktuara në paragrafin 1, të nenit 2 të kësaj Marrëveshjeje;