PËR DISA SHTESA DHE NDRYSHIME NË LIGJIN NR. 155/2015, “PËR LOJËRAT E FATIT NË REPUBLIKËN E SHQIPËRISË”, TË NDRYSHUAR

Lloji: Ligj

Fletore Zyrtare: nr. 163, datë 2018-11-16

LIGJ

Nr. 75/2018

PËR DISA SHTESA DHE NDRYSHIME NË LIGJIN NR. 155/2015, “PËR LOJËRAT E

FATIT NË REPUBLIKËN E SHQIPËRISË”, TË NDRYSHUAR

Në mbështetje të neneve 78 dhe 83, pikat 1 e 2, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 155/2015, “Për lojërat e fatit në Republikën e Shqipërisë”, të ndryshuar, bëhen shtesat

dhe ndryshimet si më poshtë:

Neni 1

Përpara nenit 1 shtohet një nen i ri me këtë përmbajtje:

“Neni 1

Përgjegjësia e shtetit

“Organizimi, zhvillimi dhe ndërmjetësimi i lojërave të fatit, basteve sportive dhe lotarisë është

përgjegjësi e shtetit.”.

Neni 2

Neni 1 numërtohet neni 1/1.

Neni 3

Pas nenit 2 shtohet neni 2/1 me këtë përmbajtje:

“Neni 2/1

Objektivat e ligjit

Ky ligj ka dhe këta objektiva:

1. Parandalimin e varësisë ndaj lojërave të fatit, basteve dhe krijimin e kushteve të përshtatshme për

një luftë efektive kundër kësaj varësie.

2. Kontrollin e kësaj varësie në kanale të kufizu ara, mbrojtura dhe supervizuara të lojërave të fatit,

për të mos lejuar zhvillimin dhe përhapjen e tyre në mënyrë të paligjshme në tregun e zi.

3. Kundërveprimin për të siguruar të rinjtë dhe lojtarët.

4. Sigurimin që lojërat e fatit të kryhen në përputhj e me dispozitat e këtij ligji dhe lojtarët të jenë të

mbrojtur ndaj praktikave mashtruese të cilat lidhen me krimin.