Për një ndryshim në ligjin nr. 8454, datë 4.2.1999, “Për Avokatin e Popullit”, i ndryshuar

Lloji: Ligj

Fletore Zyrtare: nr. 238, datë 2025-12-23

LIGJ

Nr. 78/2025

PËR NJË NDRYSHIM NË LIGJIN NR. 8454, DATË 4.2.1999,

“PËR AVOKATIN E POPULLIT”, I NDRYSHUAR

Në mbështetje të neneve 81, pikat 1 e 2, shkronja “a”, dhe 83, pika 1, të Kushtetutës, me propozim

të një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8454, datë 4.2.1999, “Për Avokatin e Popullit”, të ndryshuar, bëhet ndryshimi si më

poshtë:

Neni 28 ndryshohet si më poshtë:

Neni 1

“Neni 28

1. Raporti vjetor dhe raportet e veçanta të Avokatit miratohen nga Avokati i Popullit dhe më pas

publikohen në faqen zyrtare të institucionit të Avokatit të Popullit. Raportet e miratuara dhe të

publikuara depozitohen menjëherë pranë Kuvendit për shqyrtim.

2. Raporti vjetor i Avokatit të Popullit shqyrtohet në Kuvend brenda 3 (tre) muajve nga depozitimi.

3. Raportet e veçanta të Avokatit të Popullit diskutohen në Kuvend brenda 2 (dy) muajve nga

depozitimi.

4. Në çdo rast të shqyrtimit të këtyre raporteve nga Kuvendi, Avokati i Popullit publikon,

gjithashtu, rezolutën e Kuvendit.”.

Neni 2

Hyrja në fuqi

Ky ligj hyn në fuqi 15 ditë pas botimit në Fletoren Zyrtare.

Miratuar në datën 4.12.2025.

Shpallur me dekretin nr. 486, datë 17.12.2025, të Presidentit të Republikës së Shqipërisë,

Bajram Begaj