PËR DISA SHTESA DHE NDRYSHIME NË LIGJIN NR. 61/2012, “PËR AKCIZAT NË REPUBLIKËN E SHQIPËRISË”, TË NDRYSHUAR

Lloji: Ligj

Fletore Zyrtare: nr. 187, datë 2018-12-28

LIGJ

Nr. 98/2018

PËR DISA SHTESA DHE NDRYSHIME NË LIGJIN NR. 61/2012, “PËR AKCIZAT NË REPUBLIKËN E SHQIPËRISË”,

TË NDRYSHUAR

Në mbështetje të neneve 78, 83, pika 1, dhe 155, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 61/2012, “Për akcizat në Republikën e Shqipërisë”, të ndryshuar, bëhen shtesat dhe ndryshimet si më poshtë:

Neni 1

Në nenin 41, “Aplikimi i pullave fiskale”, pika 5, ndërmjet fjalëve “cigareve” dhe “poshtë” shtohen fjalët “dhe te duhani i grirë”.

Neni 2

Në nenin 78, “Përkufizime”, pas pikёs 6 shtohet pika 7 me këtë përmbajtje:

“7. Duhan me ngrohje, klasifikuar me kodin 2403 90 90 të Nomenklaturës së Kombinuar të Mallrave, cilësuar si produkte duhani të riformuara edhe me substanca të tjera, që konsumohet nga një proces ngrohjeje, nëpërmjet një aparati elektronik për ngrohje duhani, të klasifikuar në kodin 8543 70 90, i cili lejon përdoruesin të thithë avujt nga duhani që gjendet në të.”.

Neni 3

Neni 80/1 ndryshohet si mё poshtё:

“Neni 80/1