PËR ADERIMIN E REPUBLIKËS SË SHQIPËRISË NË MARRËVESHJEN E LISBONËS PËR MBROJTJEN E EMËRTIMEVE TË ORIGJINËS DHE REGJISTRIMIN E TYRE NDËRKOMBËTAR

Lloji: Ligj

Fletore Zyrtare: nr. 181, datë 2018-12-21

LIGJ

Nr. 90/2018

PËR ADERIMIN E REPUBLIKËS SË SHQIPËRISË NË MARRËVESHJEN E

LISBONËS PËR MBROJTJEN E EMËRTIMEVE TË ORIGJINËS DHE

REGJISTRIMIN E TYRE NDËRKOMBËTAR

Në mbështetje të neneve 78, 83, pika 1, dhe 121, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në marrëveshjen e Lisbonës për mbrojtjen e emërtimeve të origjinës

dhe regjistrimin e tyre ndërkombëtar, sipas tekstit që i bashkëlidhet këtij ligji dhe është pjesë përbërëse e

tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 3.12.2018

Shpallur me dekretin nr. 11001, datë 18.12.2018, të Presidentit të Republikës së Shqipërisë, Ilir Meta

MARRËVESHJA E LISBONËS

PËR MBROJTJEN E EMËRTIMEVE TË ORIGJINËS DHE REGJISTRIMIN E TYRE

NDËRKOMBËTAR, E DATËS 31 TETOR 1958, E RISHIKUAR NË STOKHOLM NË

DATËN 14 KORRIK 1967 DHE E NDRYSHUAR NË DATËN

28 SHTATOR 1979

Neni 1

Themelimi i një Unioni të Posaçëm; mbrojtja e emërtimeve të origjinës të regjistruara në

Byronë Ndërkombëtare1

1. Vendet ku zbatohet kjo Marrëveshje formojnë një Union të Posaçëm në kuadër të Unionit për

Mbrojtjen e Pronësisë Industriale.

2. Ata marrin përsipër të mbrojnë brenda territoreve të tyre, në përputhje me kushtet e kësaj