Për disa ndryshime dhe shtesa në ligjin nr. 29/2023, “Për tatimin mbi të ardhurat”, i ndryshuar

Lloji: Ligj

Fletore Zyrtare: nr. 11, datë 2026-01-15

LIGJ

Nr. 81/2025

PËR DISA NDRYSHIME DHE SHTESA NË LIGJIN NR. 29/2023,

“PËR TATIMIN MBI TË ARDHURAT”, I NDRYSHUAR

Në mbështetje të neneve 78, 83, pika 1, dhe 155 të Kushtetutës, me propozimin e Këshillit

të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 29/2023, “Për tatimin mbi të ardhurat”, të ndryshuar, bëhen këto ndryshime

dhe shtesa:

Neni 1

Pika 24, e nenit 3, ndryshohet si më poshtë:

“24. “Kripto-aset” është një përfaqësim digjital i një vlere ose të drejte, i cili mund të

transferohet e mund të ruhet elektronikisht përmes përdorimit të teknologjisë së regjistrave të

shpërndarë ose teknologjive të ngjashme.”.

Neni 2

Pas shkronjës “d”, të nenit 8, shtohet shkronja “dh”, me këtë përmbajtje:

“dh) përjashtimisht nga përcaktimet e shkronjave “a”, “b”, “c”, “ç” dhe “d” të këtij neni,

artistët, të cilët nuk janë shtetas të Republikës së Shqipërisë nuk do të konsiderohen rezidentë

tatimorë në Republikën e Shqipërisë për një periudhë prej 24 (njëzet e katër) muajsh nga data

e hyrjes për herë të parë në territorin e Republikës së Shqipërisë, pavarësisht ditëve të

qëndrimit.”.

Neni 3

Pas shkronjës “f”, të nenit 11, shtohet shkronja “g” me këtë përmbajtje:

“g) të ardhurat nga sponsorizimet deri në masën e përcaktuar në shkronjën “p”, të pikës 1,

të nenit 50, të këtij ligji.”.

Neni 4

Pas nënndarjes “ii”, të shkronjës “ç”, të pikës 1, të nenit 12, shtohet paragrafi me këtë

përmbajtje: