Për disa ndryshime dhe shtesa në ligjin nr. 48/2014, “Për pagesat e vonuara në detyrimet kontraktore dhe tregtare”, i ndryshua

Lloji: Ligj

Fletore Zyrtare: nr. 171, datë 2026-08-05

LIGJ

Nr. 81/2026

PËR DISA NDRYSHIME DHE SHTESA NË LIGJIN NR. 48/2014, “PËR PAGESAT

E VONUARA NË DETYRIMET KONTRAKTORE DHE TREGTARE”, I

NDRYSHUAR1

Në mbështetje të neneve 78, 81, pika 2, dhe 83 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 48/2014, “Për pagesat e vonuara në detyrimet kontraktore dhe tregtare”, i ndryshuar,

bëhen këto ndryshime dhe shtesa:

Neni 1

Në nenin 3 bëhen këto ndryshime dhe shtesa:

a) Pikat 2, 3, 10, 11 e 12 ndryshohen si më poshtë:

“2. “Autoritet publik” është çdo autoritet kontraktor, siç përcaktohet në legjislacionin për

prokurimin publik, pavarësisht nga objekti apo vlera e kontratës;

3. “Subjekt tregtar”, në kuptim të këtij ligji, është çdo organizatë, person fizik ose juridik, me

përjashtim të autoriteteve publike, që ushtron në mënyrë të pavarur një veprimtari ekonomike ose

profesionale dhe që, në kuadër të kësaj veprimtarie, kryen transaksione tregtare. Në këtë kuptim,

përfshihen, ndër të tjera, tregtarët, shoqëritë tregtare, si dhe organizatat jofitimprurëse që janë të

angazhuara ose veprojnë në kuadër të një veprimtarie ekonomike ose profesionale të pavarur.

...

10. “Norma bazë e interesit për lekun” është norma e interesit të marrëveshjeve të riblerjes dhe

të anasjella të riblerjes (REPO dhe REPO të anasjella), e miratuar me vendimin e Këshillit