Për disa ndryshime dhe shtesa në ligjin nr. 9920, datë 19.5.2008, “Për procedurat tatimore në Republikën e Shqipërisë”, i ndryshuar

Lloji: Ligj

Fletore Zyrtare: nr. 11, datë 2026-01-15

LIGJ

Nr. 79/2025

PËR DISA NDRYSHIME DHE SHTESA NË LIGJIN NR. 9920, DATË 19.5.2008,

“PËR PROCEDURAT TATIMORE NË REPUBLIKËN E SHQIPËRISË”, I

NDRYSHUAR

Në mbështetje të neneve 78, 83, pika 1, dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9920, datë 19.5.2006, “Për procedurat tatimore në Republikën e Shqipërisë”, të

ndryshuar, bëhen këto ndryshime dhe shtesa:

Neni 1

Pikat 2, 3 dhe 4, të nenit 23, ndryshojnë si më poshtë:

“2. Vlerësimet, njoftimet, vendimet dhe komunikimet zyrtare të administratës tatimore, drejtuar

tatimpaguesit, i njoftohen atij duke ia dërguar në llogarinë e tij elektronike në sistemin tatimor “e-

filing” dhe/apo nëpërmjet shërbimit postar rekomande.

3. Aktet e përcaktuara në pikën 2 të këtij neni dhe çdo korrespondencë tjetër që i dërgohet

tatimpaguesit nga administrata tatimore, konsiderohen të marra nga tatimpaguesi jo më vonë se 10

ditë kalendarike pas datës së dërgimit të mesazhit elektronik apo të postës rekomande. Për njoftimet

elektronike, datë e njoftimit është data e nisjes së mesazhit elektronik dhe për dokumentet e dërguara

me postë rekomande, datë e njoftimit është data e pranimit të dokumentit nga shërbimi postar. Për

qëllime të përcaktimit të fillimit të afatit për marrjen e akteve tatimore, sipas këtij ligji, në llogaritjen