Për organizimin dhe funksionimin e Policisë Gjyqësore

Lloji: Ligj

Fletore Zyrtare: nr. 72, datë 2019-05-20

LIGJ

Nr. 25/2019

PËR ORGANIZIMIN DHE FUNKSIONIMIN E POLICISË GJYQËSORE

Në mbështetje të neneve 78, 81, pika 1, dhe 83, pika 1, të Kushtetutës, me propozimin e

një deputeti,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj përcakton rregullat dhe parimet e përgjithshme në lidhje me:

a) organizimin dhe funksionimin e shërbimeve dhe seksioneve të Policisë Gjyqësore;

b) veprimtarinë e tyre hetimore;

c) statusin e oficerëve të Policisë Gjyqësore;

ç) raportet me prokurorinë dhe me institucionet shtetërore ku bëjnë pjesë.

Neni 2

Përkufizimet

Në këtë ligj termat e mëposhtëm kanë këto kuptime:

1. “Oficer i Policisë Gjyqësore” është një person i emëruar, sipas këtij

ligji, në një

shërbim ose seksion të Policisë Gjyqësore ose në shërbime të Policisë Gjyqësore të Byrosë

Kombëtare të Hetimit.

2. “Agjent

i Policisë Gjyqësore” është një punonjës i Policisë së Shtetit, Policisë

Ushtarake dhe çdo shërbimi tjetër policor, që ligji i njeh një cilësi të tillë.

3. “Shërbim i Policisë Gjyqësore” është një strukturë e veçantë në Policinë e Shtetit,

Policinë Ushtarake dhe në institucione të tjera shtetërore, të cilave ligji

i posaçëm u njeh

funksionet e Policisë Gjyqësore, sipas Kodit të Procedurës Penale dhe parashikimeve të këtij ligji.

4. “Seksion i Policisë Gjyqësore” është një strukturë e veçantë në prokuroritë pranë