Për disa ndryshime dhe shtesa në ligjin nr. 10 107, datë 30.3.2009, “Për kujdesin shëndetësor në Republikën e Shqipërisë”, të ndryshuar

Lloji: Ligj

Fletore Zyrtare: nr. 79, datë 2019-05-30

LIGJ

Nr. 27/2019

PËR DISA NDRYSHIME DHE SHTESA NË LIGJIN NR. 10 107, DATË 30.3.2009,

“PËR KUJDESIN SHËNDETËSOR NË REPUBLIKËN E SHQIPËRISË”,

TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10 107, datë 30.3.2009, “Për kujdesin shëndetësor në Republikën e Shqipërisë”,

të ndryshuar, bëhen këto ndryshime dhe shtesa:

Neni 1

Në nenin 3 bëhen ndryshimet dhe shtesat e mëposhtme:

1. Në pikën 1 dhe në të gjithë përmbajtjen e ligjit, emërtimi “Ministria/ministri i

Shëndetësisë” zëvendësohet me fjalët “ministria/ministri përgjegjës për shëndetësinë”.

2. Pas pikës 12 shtohen pikat 13, 14, 15, 16, 17, 18 dhe 19 me këtë përmbajtje:

“13. “Informacioni shëndetësor” është çdo e dhënë e dokumentuar e historikut të gjendjes

shëndetësore të personit dhe përfshin simptomën, diagnozën, vlerësimin, kujdesin, progresin dhe

rezultatin shëndetësor për çdo marr ëdhënie me shërbimin shëndetësor. Informacioni

shëndetësor mund të jetë në formë elektronike, në letër ose në të dyja formatet.

14. “Sistemi i informacionit shë ndetësor” është një sistem, i cili mbledh, ruan, menaxhon

dhe/ose shkëmben në mënyrë të sigurt informacion në lidhje me shëndetin e personit, me qëllim

përmirësimin dhe rritjen e cilësisë së ofrimit të kujdesit shëndetësor ndaj çdo personi.