Për disa ndryshime dhe shtesa në ligjin nr. 25/2022, “Për mbështetjen dhe zhvillimin e startup-eve”, i ndryshuar

Lloji: Ligj

Fletore Zyrtare: nr. 4, datë 2026-01-07

LIGJ

Nr. 97/2025

PËR DISA NDRYSHIME DHE SHTESA NË LIGJIN NR. 25/2022, “PËR MBËSHTETJEN DHE ZHVILLIMIN E STARTUP-eve”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 25/2022, “Për mbështetjen dhe zhvillimin e startup-eve”, të ndryshuar, bëhen këto ndryshime dhe shtesa:

Neni 1

1. Titulli i ligjit ndryshon si më poshtë:

“Për mbështetjen dhe zhvillimin e startup-eve dhe inovacionit”.

2. Kudo në tekst togfjalëshi “nga agjencia përgjegjëse për zhvillimin dhe mbështetjen e startup-eve" zëvendësohet me togfjalëshin “nga agjencia përgjegjëse për zhvillimin dhe mbështetjen e startup-eve dhe inovacionit”.

3. Kudo në tekst togfjalëshi “ministri përgjegjës për sipërmarrjen” zëvendësohet me togfjalëshin “ministri përgjegjës për inovacionin”.

Neni 2

Në nenin 1, pika 2 ndryshohet si më poshtë:

“2. Mbështetjen e ekosistemit vendas të startup-eve dhe të inovacionit nëpërmjet bashkëpunimit midis të gjithë aktorëve të tij dhe integrimit me ekosistemin ndërkombëtar për nxitjen e kërkimit, realizimit dhe përdorimit të ideve inovative, si dhe modeleve, produkteve e proceseve të reja në çdo fushë për zhvillimin ekonomik.”.

Neni 3

Neni 2 ndryshohet si më poshtë:

“Neni 2

Objekti