Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Mbretërisë së Arabisë Saudite, për shërbimet ajrore

Lloji: Ligj

Fletore Zyrtare: nr. 103, datë 2019-07-17

LIGJ

Nr. 39/2019

PËR RATIFIKIMIN E MARRËVESHJES, NDËRMJET KËSHILLITTË

MINISTRAVE TË REPUBLIKËS SË SHQIPËRISË DHE QEVERISË SË

MBRETËRISË SË ARABISË SAUDITE, PËR SHËRBIMET AJRORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe

Qeverisë së Mbretërisë së Arabisë Saudite për shërbimet ajrore, sipas tekstit që i bashkëlidhet

këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 20.6.2019

Shpallur me dekretin nr. 11220, datë 11.7.2019 të Presidentit

të Republikës së

Shqipërisë, Ilir Meta.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

QEVERISË SË MBRETËRISË SË ARABISË SAUDITE MBI SHËRBIMET AJRORE

PREAMBULË

Këshilli i Ministrave i Republikës së Shqipërisë dhe Qeveria e Mbretërisë së Arabisë Saudite

(të referuara më poshtë si “Palët”);

Duke qenë Palë të Konventës së Aviacionit Civil Ndërkombëtar, të hapur për nënshkrim më

7 dhjetor 1944 në Çikago;

Duke dëshiruar të promovojnë një sistem aviacioni ndërkombëtar bazuar në konkurrencën

ndërmjet linjave ajrore në treg dhe rregullimin dhe ndërhyrjen minimale të qeverisë;

Duke dëshiruar të lehtësojnë zgjerimin e mundësive të shërbimeve ajrore ndërkombëtare;