Për ratifikimin e marrëveshjes ndërmjet Republikës së Shqipërisë dhe Mbretërisë së Arabisë Saudite për shmangien e tatimit të dyfishtë dhe parandalimin e evazionit fiskal në lidhje me tatimin mbi të ardhurat dhe kapitalin

Lloji: Ligj

Fletore Zyrtare: nr. 103, datë 2019-07-17

LIGJ

Nr. 40/2019

PËR RATIFIKIMIN E MARRËVESHJES NDËRMJET REPUBLIKËS

SË SHQIPËRISË DHE MBRETËRISË SË ARABISË SAUDITE PËR

SHMANGIEN E TATIMIT TË DYFISHTË DHE PARANDALIMIN

E EVAZIONIT FISKAL NË LIDHJE ME TATIMIN MBI

TË ARDHURAT DHE KAPITALIN

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Mbretërisë së Arabisë Saudite për

shmangien e tatimit të dyfishtë dhe parandalimin e evazionit fiskal në lidhje me tatimin mbi të

ardhurat dhe kapitalin, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 20.6.2019.

Shpallur me dekretin nr. 11221, datë 11.7.2019 të Presidentit të Republikës së Shqipërisë,

Ilir Meta.

MARRËVESHJE

NDËRMJET REPUBLIKËS SË SHQIPËRISË DHE MBRETËRISË SË ARABISË, SAUDITE

PËR SHMANGIEN E TATIMIT TË DYFISHTË DHE PARANDALIMIN E EVAZIONIT

FISKAL NË LIDHJE ME TATIMIN MBI TË ARDHURAT DHE KAPITALIN

Republika e Shqipërisë dhe Mbretëria e Arabisë Saudite, me dëshirën për të nxitur marrëdhëniet e

tyre të përbashkëta ekonomike nëpërmjet lidhjes ndërmjet tyre të një Marrëveshjeje për shmangien e

tatimit të dyfishtë dhe parandalimin e evazionit fiskal në lidhje me tatimin mbi të ardhurat dhe

kapitalin;

kanë rënë dakord si më poshtë:

Neni 1

Personat e përfshirë