Për ratifikimin e marrëveshjes së pranimit të Republikës së Shqipërisë, përfaqësuar nga Kryeminiistri Edi Rama, në Kartën e Bordit të Paqes

Lloji: Ligj

Fletore Zyrtare: nr. 21, datë 2026-01-27

UDHËZIM

Nr. 1, datë 25.9.2026

PËR STRUKTURËN, ADMINISTRIMIN, PËRDITËSIMIN DHE PUBLIKIMIN E

REGJISTRIT TË LOBIMIT

Në mbështetje të pikës 4, të nenit 8, të ligjit nr. 12/2026, “Për lobimin në Republikën e

Shqipërisë” (në vijim “Ligji”), Komisioneri për të Drejtën e Informimit dhe Mbrojtjen e të

Dhënave Personale (në vijim “Komisioneri”),

UDHËZON:

KREU I

DISPOZITA TË PËRGJITHSHME

Neni 1

Objekti

Ky udhëzim përcakton strukturën, mënyrën e administrimit, si dhe procedurat për

përditësimin dhe publikimin e të dhënave në Regjistrin e Lobimit (në vijim “Regjistri”), në

zbatim të ligjit.

Neni 2

Qëllimi

Qëllimi i këtij udhëzimi është të rregullojë administrimin, përditësimin dhe publikimin e të

dhënave në Regjistër, me qëllim garantimin e transparencës së veprimtarisë së lobimit dhe

informimin e publikut, në përputhje me ligjin dhe legjislacionin për mbrojtjen e të dhënave

personale.

Neni 3

Fusha e zbatimit

1. Ky udhëzim zbatohet për të gjitha subjektet e ligjit dhe proceset që lidhen me krijimin,

administrimin, funksionimin, përditësimin dhe publikimin e të dhënave në Regjistrin e

Lobimit.

2. Në veçanti, ky udhëzim zbatohet, për:

a) lobistët, persona fizikë ose juridikë, që kërkojnë regjistrim ose janë të regjistruar në

Regjistër;

b) përfituesit e lobimit, në rastet e parashikuara nga ligji;

c) zyrtarët publikë, sipas nenit 3 të ligjit;