Për ratifikimin e marrëveshjes për mbrojtjen shoqërore ndërmjet Republikës së Shqipërisë dhe Kanadasë

Lloji: Ligj

Fletore Zyrtare: nr. 135, datë 2019-10-03

LIGJ

Nr. 58/2019

PËR RATIFIKIMIN E MARRËVESHJES PËR MBROJTJEN SHOQËRORE

NDËRMJET REPUBLIKËS SË SHQIPËRISË DHE KANADASË

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja për mbrojtjen shoqërore ndërmjet Republikës së Shqipërisë dhe

Kanadasë, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 12.9.2019.

Shpallur me dekretin nr. 11288, datë 26.9.2019 të Presidentit

të Republikës së

Shqipërisë, Ilir Meta

MARRËVESHJE

PËR MBROJTJEN SHOQËRORE NDËRMJET REPUBLIKËS SË SHQIPËRISË DHE

KANADASË

Republika e Shqipërisë dhe Kanadaja (Palët),

të vendosura për të bashkëpunuar në fushën e mbrojtjes shoqërore,

kanë vendosur të lidhin për këtë qëllim një marrëveshje, dhe

kanë rënë dakord si më poshtë:

PJESA I

DISPOZITA TË PËRGJITHSHME

Neni 1

Përkufizime

1. Për qëllimet e kësaj marrëveshjeje:

“Përfitim, për secilën Palë, nënkupton çdo përfitim në para që është i pagueshëm sipas

legjislacionit të asaj pale dhe që përfshin çdo shtesë apo rritje të këtij përfitimi në para;

“Autoritet kompetent”, nënkupton:

- për Republikën e Shqipërisë (Shqipëria), ministri ose ministrat përgjegjës për zbatimin e

legjislacionit të Shqipërisë; dhe