Për ratifikimin e marrëveshjes së financimit ndërmjet Republikës së Shqipërisë, Republikës së Kosovës dhe Komisionit Evropian për programin e veprimit të bashkëpunimit ndërkufitar IPA II, Shqipëri–Kosovë, 2014–2020, alokimet e vitit 2017

Lloji: Ligj

Fletore Zyrtare: nr. 136, datë 2019-10-04

LIGJ

Nr. 61/2019

PËR RATIFIKIMIN E MARRËVESHJES SË FINANCIMIT NDËRMJET REPUBLIKËS SË SHQIPËRISË, REPUBLIKËS SË KOSOVËS DHE

KOMISIONIT EVROPIAN PËR PROGRAMIN E VEPRIMIT

TË BASHKËPUNIMIT NDËRKUFITAR IPA II,

SHQIPËRI–KOSOVË, 2014–2020,

ALOKIMET E VITIT 2017

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e financimit ndërmjet Republikës së Shqipërisë, Republikës së Kosovës dhe Komisionit Evropian për programin e veprimit të bashkëpunimit ndërkufitar IPA II, Shqipëri–Kosovë, 2014–2020, alokimet e vitit 2017, sipas tekstit bashkëlidhur këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 19.9.2019.

Shpallur me dekretin nr.11293, datë 3.10.2019, të Presidentit të Republikës së Shqipërisë, Ilir Meta

MARRËVESHJE FINANCIMI

KUSHTET SPECIFIKE

Komisioni Evropian, në vijim i referuar si “Komisioni” ose “pala”, i cili vepron në emër të Bashkimit Evropian, në vijim i referuar si “Unioni”, nga njëra anë, dhe Republika e Shqipërisë, dhe Kosova* e përfaqësuar nga Ministria e Integrimit Evropian, të referuara bashkërisht në vijim si “përfituesit e IPA II” ose të referuar veçmas si “përfitues i IPA II” ose “palët”, nga ana tjetër, dhe të referuar bashkërisht si “palët”, kanë rënë dakord për sa më poshtë:

Neni 1

Programi i Veprimit