Për rininë

Lloji: Ligj

Fletore Zyrtare: nr. 180, datë 2019-12-27

LIGJ

Nr. 75/2019

PËR RININË

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Objekti i këtij ligji është mbrojtja e të drejtave të të rinjve në mënyrë gjithëpërfshirëse,

krijimi

i kushteve të nevojshme për aktivizimin, pjesëmarrjen dhe mbështetjen e të rinjve,

përcaktimi i funksioneve dhe kompetencave të institucioneve në nivel qendror dhe vendor, si

dhe bashkëpunimi me organizatat që ushtrojnë veprimtari në fushën e rinisë.

Neni 2

Qëllimi

i këtij

Qëllimi

ligji është përcaktimi

i veprimtarive, mekanizmave dhe autoriteteve

përgjegjëse për mbrojtjen dhe promovimin e të drejtave të të rinjve në Republikën e Shqipërisë

dhe të të rinjve shqiptarë në diasporë, si dhe financimin e veprimtarive rinore, në kuadër të së

drejtës së të rinjve për mbrojtje të veçantë nga shteti.

Neni 3

Përkufizime

Në këtë ligj termat e mëposhtëm kanë këto kuptime:

a) “Dialog i strukturuar” është dialogu i hapur, transparent, afatgjatë, i vazhdueshëm dhe

sistematik ndërmjet të rinjve e organizatave rinore dhe organizatave për të rinjtë, si dhe

institucioneve në nivel qendror e vendor, që mbulojnë çështje të lidhura me të rinjtë.

b) “Edukimi joformal për të rinjtë” është çdo veprimtari e organizuar dhe e përshtatur