Për disa ndryshime dhe shtesa në ligjin nr. 92/2014 “Për tatimin mbi vlerën e shtuar në Republikën e Shqipërisë”, të ndryshuar

Lloji: Ligj

Fletore Zyrtare: nr. 184, datë 2019-12-31

LIGJ

Nr. 85/2019

PËR DISA NDRYSHIME DHE SHTESA NË LIGJIN NR. 92/2014 “PËR TATIMIN

MBI VLERËN E SHTUAR NË REPUBLIKËN E SHQIPËRISË”, TË NDRYSHUAR

Në mbështetje të neneve 78, 83, pika 1, dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 92/2014 “Për tatimin mbi vlerën e shtuar në Republikën e Shqipërisë”, të

ndryshuar, bëhen ndryshimet dhe shtesat e mëposhtme:

Neni 1

Në nenin 49, pika 7 ndryshohet si më poshtë:

“7. Shkalla e reduktuar e tatimit mbi vlerën e shtuar, e cila aplikohet për furnizimin e mjeteve

të transportit publik tё licencuar të udhëtarëve me autobus me nëntë plus një vende ose më

shumë, vetëm me motor elektrik, është 6 për qind.”.

Neni 2

Në nenin 51, pas shkronjës “o” shtohet shkronja “p” me këtë përmbajtje:

“p) furnizimi i automjeteve vetëm me motor elektrik, të reja, me zero km e që nuk janë

regjistruar më parë për qarkullim në asnjë shtet tjetër, përveç atyre të përcaktuara në pikën 7, të

nenit 49, të ligjit.”.

Neni 3

Në nenin 53, pas shkronjës “k” shtohen shkronjat “l” dhe “ll” me këtë përmbajtje.

“l) furnizimi i procesit të ndërtimit nga ndërtuesit subjekte të rindërtimit, brenda programit të

rindërtimit, të autorizuar nga Drejtori

i Përgjithshëm i Tatimeve, për rastet e shpalljes së

“gjendjes së fatkeqësisë natyrore”, përgjatë periudhës së rindërtimit, sipas përcaktimeve të