Për disa ndryshime dhe shtesa në ligjin nr. 108/2013, “Për të huajt”, të ndryshuar

Lloji: Ligj

Fletore Zyrtare: nr. 32, datë 2020-03-10

LIGJ

Nr. 13/2020

PËR DISA NDRYSHIME DHE SHTESA NË LIGJIN NR. 108/2013,

“PËR TË HUAJT”, TË NDRYSHUAR1

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 108/2013, “Për të huajt”, të ndryshuar, bëhen këto ndryshime dhe shtesa:

Neni 1

Në nenin 3, pika 32 ndryshohet si më poshtë:

“32. ‘Vizë’ është autorizimi në formën e një vize pullë në një dokument të vlefshëm

udhëtimi ose vizë elektronike, e printuar nga format elektronik,

lëshuar nga autoritetet

përgjegjëse, sipas procedurave të këtij ligji, që lejon të huajin të hyjë, të qëndrojë ose të kalojë

tranzit në Republikën e Shqipërisë, në përputhje me legjislacionin në fuqi.”.

Neni 2

Në nenin 21, pika 1 ndryshohet si më poshtë:

“1. Viza e tipit ‘C’ është viza që lëshohet në formën e një vize pullë ose e printuar nga

format elektronik, e cila i jep të drejtën mbajtësit të saj të hyjë dhe të qëndrojë në Republikën e

Shqipërisë deri në 90 ditë, brenda 180 ditëve, duke filluar nga data e hyrjes së parë.”.

Neni 3

Në nenin 22 bëhen këto ndryshime dhe shtesa:

1. Pika 1 ndryshohet si më poshtë:

“1. Viza e tipit ‘D’ është viza që lëshohet në formën e një vize pullë ose e printuar nga

format elektronik për shtetasin e huaj që kërkon të qëndrojë në Republikën e Shqipërisë më

shumë se 90 ditë, brenda 180 ditëve, dhe kur, për t’u pajisur me leje qëndrimi, për këta shtetas