Për prokurimet në fushën e mbrojtjes dhe të sigurisë

Lloji: Ligj

Fletore Zyrtare: nr. 118, datë 2020-06-24

1Ky ligj është përafruar pjesërisht me Direktivën 2009/81/KE të Parlamentit Evropian dhe të Këshillit, datë 13

korrik 2009,“Mbi koordinimin e procedurave për dhënien e disa kontratave për punë, furnizime dhe shërbime

nga autoritete kontraktore apo ente në fushat e mbrojtjes dhe sigurisë, dhe që ndryshon direktivat 2004/17/KE

dhe 2004/18/KE”, tё ndryshuar”. Numri CELEX 32009L0081, Fletorja Zyrtare e Bashkimit Evropian, seria L,

nr. 216, datë 20.8.2009, faqe 76–136.

LIGJ

Nr. 36/2020

PËR PROKURIMET NË FUSHËN E MBROJTJES DHE TË SIGURISË1

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti dhe qëllimi

1. Ky ligj ka si objekt të tij kontratat që lidhen në fushat e mbrojtjes dhe të sigurisë për:

a) furnizimin me pajisje ushtarake dhe pjesët dhe/ose njësitë përbërëse të tyre;

b) furnizimin me pajisje të klasifikuara dhe pjesët dhe/ose njësitë përbërëse të tyre;

c) punë, mallra dhe shërbime që lidhen drejtpërdrejt me pajisjet e përcaktuara në shkronjat

“a” dhe “b”, për çdo dhe të gjitha elementet e ciklit jetësor të tyre;

ç) punë, pajisje dhe shërbime ushtarake që, për arsye sigurie, përfshijnë, kërkojnë dhe/ose

përmbajnë informacion të klasifikuar dhe trajtohen si punë, mallra dhe shërbime të klasifikuara.