Për ratifikimin e marrëveshjes së përbashkët të prokurimit ndërmjet Republikës së Shqipërisë, Komisionit Europian dhe vendeve anëtare të Bashkimit Europian, për të prokuruar kundërmasat mjekësore

Lloji: Ligj

Fletore Zyrtare: nr. 86, datë 2020-05-13

LIGJ

Nr. 60/2020

PËR RATIFIKIMIN E MARRËVESHJES SË PËRBASHKËT TË PROKURIMIT

NDËRMJET REPUBLIKËS SË SHQIPËRISË, KOMISIONIT EVROPIAN DHE

VENDEVE ANËTARE TË BASHKIMIT EVROPIAN PËR TË PROKURUAR

KUNDËRMASAT MJEKËSORE

Në mbështetje të neneve 78, 83, pika 1, dhe 121, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e përbashkët e prokurimit ndërmjet Republikës së Shqipërisë,

Komisionit Evropian dhe vendeve anëtare të Bashkimit Evropian për të prokuruar kundërmasat

mjekësore, sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar nё datёn 30.4.2020

Shpallur me dekretin nr. 11480, datë 8.5.2020 të Presidentit të Republikës së Shqipërisë,

Ilir Meta

MARRËVESHJE E PËRBASHKËT PROKURIMI

PËR PROKURIMIN E KUNDËRMASAVE MJEKËSORE

Kjo Marrëveshje e Përbashkët Prokurimi (“Marrëveshja”) është lidhur nga dhe ndërmjet

Palëve të mëposhtme Kontraktuese:

Komisioni Evropian (“Komisioni”), i cili është përfaqësuar për qëllimet e kësaj Marrëveshjeje

nga Komisioneri Evropian për Shëndetin, Tonio Borg dhe drejtori i përgjithshëm i Drejtorisë së

Përgjithshme për Shëndetin dhe Konsumatorët, Paola Testori Coggi

dhe

Shtetet anëtare të mëposhtme të Bashkimit Evropian:

1. Mbretëria e Belgjikës

2. Republika e Bullgarisë

3. Republika Çeke

4. Mbretëria e Danimarkës