Pёr pёrmirёsimin e zonave tё biznesit (BID)

Lloji: Ligj

Fletore Zyrtare: nr. 129, datë 2020-07-10

LIGJ

Nr. 63/2020

PËR PËRMIRËSIMIN E ZONAVE TË BIZNESIT (BID)

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti dhe qëllimi i ligjit

1. Ky ligj rregullon statusin ligjor, qëllimin, afatin, financimin, marrëdhëniet ligjore, parimet dhe

rregullat bazë për funksionimin e zonave të biznesit (BID) në Shqipëri.

2. Përkatësisht, ky ligj synon:

a) të krijojë një mekanizëm ku poseduesit e njësive tregtare, të cilat përdoren për qëllime biznesi,

nxiten të marrin pjesë në procesin e zhvillimit

të qëndrueshëm të zonës BID, nëpërmjet

kontributeve private, të cilat përdoren për shërbime shtesë për bizneset në zonën BID përkatëse dhe

për përmirësime të pasurisë publike;

b) të konsolidojë dhe të zhvillojë përtëritjen urbane të qyteteve, duke njohur nevojat unike dhe

sfidat e përbashkëta me të cilat përballen biznese me karakteristika lokale të ndryshme;

c) të lehtësojë identifikimin e zonave gjeografike të caktuara, për të përmirësuar dhe shtuar

ofrimin e shërbimeve bashkiake brenda tyre;

ç) të përcaktojë në mënyrë të qartë kushtet, sipas të cilave krijohet një BID dhe të sigurojë që

poseduesit e njësive tregtare brenda zonave të propozuara BID të jenë të përfshirë plotësisht në

proceset përkatëse, duke lehtësuar kështu pjesëmarrjen e tyre në çështjet e zonës dhe të qytetit.

Neni 2