Për të drejtat dhe trajtimin e të dënuarve me burgim dhe të paraburgosurve

Lloji: Ligj

Fletore Zyrtare: nr. 137, datë 2020-07-23

LIGJ

Nr. 81/2020

PËR TË DREJTAT DHE TRAJTIMIN E TË DËNUARVE ME BURGIM

DHE TË PARABURGOSURVE

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

PJESA E PARË

DISPOZITA TË PËRGJITHSHME

KREU I

Neni 1

Objekti

Objekt i këtij ligji është përcaktimi i të drejtave dhe trajtimit të të paraburgosurve dhe të

dënuarve me burgim, organizimi i sistemit të burgjeve, si dhe kompetencat e detyrat e organeve

shtetërore kompetente.

Neni 2

Qëllimi

Ky ligj ka si qëllim garantimin e kushteve për trajtimin me dinjitet të të paraburgosurve dhe të

dënuarve me burgim, respektimin e të drejtave dhe të lirive themelore të tyre dhe parandalimin e

sjelljeve ose trajtimit mizor, çnjerëzor, poshtërues apo degradues.

Neni 3

Përkufizime

Në kuptim të këtij ligji, termat e mëposhtëm kanë këto kuptime:

1. “Anëtarët e familjes” së të paraburgosurit dhe të dënuarit janë bashkëshorti/bashkëshortja,

si dhe bashkëjetuesi/bashkëjetuesja,

prindërit,

bashkëjetesa e të cilëve ka një karakter të qëndrueshëm dhe të provuar.

fëmijët, gjyshërit, vëllezërit dhe motrat,

2. “I burgosur” është çdo person i paraburgosur ose i dënuar me vendim gjyqësor të formës

së prerë, që vendoset në një institucion të ekzekutimit të vendimeve penale.

3. “I dënuar” është çdo person, shtetas shqiptar, i huaj ose pa shtetësi, i dënuar me vendim