Për shtetësinë

Lloji: Ligj

Fletore Zyrtare: nr. 174, datë 2020-09-29

LIGJ

Nr. 113/2020

PËR SHTETËSINË

Në mbështetje të neneve 81, pika 2, shkronja “b”, e 83, pika 1, të Kushtetutës, me

propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Objekti

ligji është përcaktimi

rifitimin e humbjen e shtetësisë shqiptare.

i këtij

i parimeve, procedurave dhe rregullave për fitimin,

Neni 2

Përkufizime

Në këtë ligj termat e mëposhtëm kanë këto kuptime:

a) “Fëmijë” është i njëjti kuptim sipas përkufizimit të bërë në ligjin për të drejtat dhe

mbrojtjen e fëmijës.

b) “Ministri” është ministri përgjegjës për rendin dhe sigurinë publike.

c) “Ministria” është ministria përgjegjëse për rendin dhe sigurinë publike.

ç) “Natyralizim” është mënyra e fitimit të shtetësisë shqiptare nga çdo person i huaj apo pa

shtetësi, që plotëson kriteret e përcaktuara në këtë ligj dhe shpreh dëshirën për të qenë shtetas

shqiptar.

d) “Origjinë” është lidhja familjare në vijë të drejtë deri në tri shkallë e kërkuesit me të

paralindurin me shtetësi shqiptare.

dh) “Person pa shtetësi” ka të njëjtin kuptim sipas përkufizimit të dhënë në ligjin nr. 9057,

datë 24.04.2003, “Për aderimin e Republikës së Shqipërisë në Konventën për Statusin e

Personave pa Shtetësi”.

e) “Refugjat dhe person në mbrojtje plotësuese” është i njëjti kuptim sipas përkufizimit në

ligjin për azilin në Republikën e Shqipërisë.