PËR MIRATIMIN ME DISA NDRYSHIME TË DEKRETIT NR.295, DATË 15.9.1992 "PËR SIGURIMIN E DETYRUESHËM TË MJETEVE MOTORIKE PËR PËRGJEGJËSINË NDAJ PERSONAVE TË TRETË"

Lloji: Ligj

Fletore Zyrtare: nr. 9, datë 1993-01-28

LIGJ

Nr.7641, datë 1.12.1992

PËR MIRATIMIN ME DISA NDRYSHIME TË DEKRETIT NR.295, DATË 15.9.1992 "PËR

SIGURIMIN E DETYRUESHËM TË MJETEVE MOTORIKE PËR PËRGJEGJËSINË NDAJ

PERSONAVE TË TRETË"

Në mbështetje të nenit 16 të ligjit nr.7491, datë 20.4.1991 "Për dispozitat kryesore

kushtetuese",

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Të miratojë dekretin nr.295, datë 15.9.1993 "Për sigurimin e detyrueshëm të mbajtësve të

mjeteve motorike për përgjegjësinë ndaj personave të tretë" me këto ndryshime:

- Neni 5 i dekretit ndryshohet si vijon:

"Siguruesi e pajis mbajtësin e mjetit motorik, në kohën e lidhjes së kontratës së sigurimit, me

modelin "Vërtetimi miqësor i ngjarjes - Njoftimi i rastit të sigurimit", si dhe me shenjë dalluese e cila

mban emrin e siguruesit, numrin e targës së regjistrimit të mjetit motorik dhe afatin e vlefshmërisë së

kontratës së sigurimit.

Siguruesi e pajis mbajtësin e mjetit motorik, në fund të periudhës së treguar në kontratën e

sigurimit, me modelin e "Dëshmisë së rrezikut".

Forma dhe përmbajtja e "Vërtetimit miqësor të ngjarjes Njoftimi i rastit të sigurimit", i

"Dëshmisë së rezikut", i shenjës dalluese, mënyra dhe vendi i vendosjes së kësaj të fundit, përcaktohen

nga ministri i Financave dhe i Ekonomisë".

- Pas nenit 9 të dekretit shtohen 2 nene, përkatësisht neni 9/1 dhe neni 9/2, si më poshtë:

Neni 9/1