Për ratifikimin e vendimit nr. 5/2024 të Komitetit të Përbashkët të Marrëveshjes së Tregtisë së Lirë të Evropës Qendrore “Për aspektet tregtare të të drejtave të pronësisë intelektuale”

Lloji: Ligj

Fletore Zyrtare: nr. 28, datë 2026-02-06

LIGJ

Nr. 5/2026

PËR RATIFIKIMIN E VENDIMIT NR. 5/2024 TË KOMITETIT TË PËRBASHKËT

TË MARRËVESHJES SË TREGTISË SË LIRË TË EVROPËS QENDRORE,

“PËR ASPEKTET TREGTARE TË TË DREJTAVE TË PRONËSISË

INTELEKTUALE”

Në mbështetje të neneve 78, 83, pika 1, dhe 121, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet vendimi nr. 5/2024 i Komitetit të Përbashkët të Marrëveshjes së Tregtisë së Lirë të

Evropës Qendrore, “Për aspektet tregtare të të drejtave të pronësisë intelektuale”, sipas tekstit që

i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 28.1.2026.

Shpallur me dekretin nr. 46, datë 4.2.2026, të Presidentit të Republikës së Shqipërisë, Bajram

Begaj.

VENDIM

I KOMITETIT TË PËRBASHKËT TË MARRËVESHJES SË TREGTISË SË LIRË TË

EVROPËS QENDRORE NR. 5/2024, “MBI ASPEKTET TREGTARE TË TË DREJTAVE TË

PRONËSISË INTELEKTUALE”, MIRATUAR MË 9 TETOR 2024

Hyrje

Komiteti i Përbashkët,

në përputhje me aneksin 1 të Marrëveshjes për Amendimin dhe Zgjerimin e Marrëveshjes së

Tregtisë së Lirë të Evropës Qendrore, të miratuar më 19 dhjetor 2006 (në vijim e referuar si

“CEFTA 2006”);

në përputhje me nenet 37 dhe 38 të CEFTA 2006, sipas të cilës, Palët e CEFTA-s do të ofrojnë

dhe sigurojnë mbrojtje të përshtatshme dhe të efektshme për të Drejtat e Pronësisë Intelektuale, në