Për lobimin në Republikën e Shqipërisë

Lloji: Ligj

Fletore Zyrtare: nr. 37, datë 2026-02-16

LIGJ

Nr. 12/2026

PËR LOBIMIN NË REPUBLIKËN E SHQIPËRISË

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj rregullon mënyrën dhe kushtet për ushtrimin e veprimtarisë së lobimit, si dhe organizimin,

integritetit dhe

regjistrimin dhe mbikëqyrjen e tij, me qëllim sigurimin e transparencës,

përgjegjshmërisë gjatë zhvillimit të kësaj veprimtarie.

Neni 2

Qëllimi

Qëllimi i këtij ligji është sigurimi i transparencës, integritetit dhe llogaridhënies në proceset e

vendimmarrjes publike, duke rregulluar ushtrimin e aktiviteteve të lobimit pranë institucioneve

publike të Republikës së Shqipërisë.

Neni 3

Fusha e veprimit

1. Ky ligj zbatohet për përfshirjen në veprimtari lobimi të:

a) anëtarëve të Kuvendit gjatë ushtrimit të veprimtarisë legjislative;

b) anëtarëve të Këshillit të Ministrave dhe funksionarëve politikë pranë tyre;

c) zyrtarëve të lartë dhe nëpunësve të organeve publike që ushtrojnë funksione vendimmarrëse;

ç) funksionarëve të zgjedhur dhe të emëruar në nivel vendor, si dhe punonjësve të njësive të

vetëqeverisjes vendore që ushtrojnë funksione vendimmarrëse.

2. Zyrtarët e përfshirë në Ministrinë e Mbrojtjes dhe në Forcat e Armatosura ndalohen të

përfshihen në veprimtari lobimi, sipas legjislacionit të posaçëm në fuqi, gjatë ushtrimit të funksioneve

të tyre.