Për disa ndryshime dhe shtesa në ligjin nr. 107/2014 “Për planifikimin dhe zhvillimin e territorit”, të ndryshuar

Lloji: Ligj

Fletore Zyrtare: nr. 193, datë 2020-11-09

LIGJ

Nr. 119/2020

PËR DISA NDRYSHIME DHE SHTESA NË LIGJIN NR. 107/2014, “PËR

PLANIFIKIMIN DHE ZHVILLIMIN E TERRITORIT”, TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË,

VENDOSI:

Në ligjin nr. 107/2014, “Për planifikimin dhe zhvillimin e territorit”, bëhen këto ndryshime

dhe shtesa:

Neni 1

Në nenin 28, pika 1 ndryshohet si më poshtë:

“1. KKT-ja është autoriteti përgjegjës për vendimmarrjen për leje zhvillimi dhe leje ndërtimi

për llojet e zhvillimit komplekse, të përcaktuara në rregulloren e zhvillimit dhe ato që lidhen me

çështje, zona, objekte të rëndësisë kombëtare apo me investime strategjike për interesat e vendit,

si dhe për vendimmarrjen për leje zhvillimi dhe ndërtimi për objektet brenda brezit

të

zhvillimeve të kontrolluara, sipas përkufizimit të ligjit për menaxhimin e integruar të zonës

bregdetare. KKT-ja vendos miratimin e rregulloreve të veçanta për kushtet e zhvillimit për rastet

në kompetencë të saj.”.

Neni 2

Në nenin 38, pas pikës 2, shtohet pika 3 me këtë përmbajtje:

“3. Për rastet të cilat shqyrtohen nga Këshilli Kombëtar i Territorit, leja e zhvillimit është e

detyrueshme vetëm për rastet në të cilat objekti parashikohet të ndërtohet në faza.”.

Neni 3

Në nenin 39, pas pikës 4, shtohet pika 5 me këtë përmbajtje: