Për marrjen e masave të veçanta në fushën e veprimtarisë gjyqësore, gjatë kohëzgjatjes së gjendjes së epidemisë së shkaktuar nga COVID-19

Lloji: Akt normativ

Fletore Zyrtare: nr. 50, datë 2020-03-25

AKT NORMATIV

Nr.9, datë 25.3.2020

PËR MARRJEN E MASAVE TË VEÇANTA NË FUSHËN E VEPRIMTARISË

GJYQËSORE, GJATË KOHËZGJATJES SË GJENDJES SË EPIDEMISË SË

SHKAKTUAR NGA COVID-19

Në mbështetje të nenit 101 të Kushtetutës, me propozimin e ministrit të Drejtësisë dhe të

ministrit të Shëndetësisë dhe Mbrojtjes Sociale, Këshilli i Ministrave

VENDOSI:

Neni 1

Objekti

Ky akt normativ ka për objekt përcaktimin e rregullave të veçanta për zhvillimin e

veprimtarisë gjyqësore dhe të prokurorisë, gjatë kohëzgjatjes së gjendjes së epidemisë së

shkaktuar nga përhapja e COVID-19.

Neni 2

Qëllimi

Ky akt normativ ka për qëllim garantimin e të drejtës për një proces të rregullt në

veprimtarinë gjyqësore dhe atë të prokurorisë, gjatë kohëzgjatjes së gjendjes së epidemisë të

shkaktuar nga përhapja e COVID-19.

Neni 3

Masat e veçanta dhe efektet në fushën e veprimtarisë gjyqësore

1. Seancat gjyqësore në çështjet administrative, civile dhe penale, të planifikuara pranë të gjitha

gjykatave, shtyhen deri në përfundimin e gjendjes së epidemisë së shkaktuar nga përhapja e

COVID-19.

2. Nga data e hyrjes së fuqi të këtij akti normativ deri në përfundimin e gjendjes së epidemisë

së shkaktuar nga përhapja e COVID-19 pezullohen afatet për ngritjen e padive, për paraqitjen e

ankimeve si dhe për kryerjen e çdo veprimi procedural në çështjet administrative, civile dhe