Për disa shtesa dhe një ndryshim në ligjin nr. 69/2012, “Për sistemin arsimor parauniversitar në Republikën e Shqipërisë”, i ndryshuar

Lloji: Ligj

Fletore Zyrtare: nr. 77, datë 2026-04-15

LIGJ

Nr. 26/2026

PËR DISA SHTESA DHE NJË NDRYSHIM NË LIGJIN NR. 69/2012, “PËR SISTEMIN

ARSIMOR PARAUNIVERSITAR NË REPUBLIKËN E SHQIPËRISË”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me propozim të një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 69/2012, “Për sistemin arsimor parauniversitar në Republikën e Shqipërisë”, i

ndryshuar, bëhen këto shtesa dhe ndryshimi si më poshtë:

Pas nenit 47 shtohet neni 47/1 me këtë përmbajtje:

Neni 1

“Neni 47/1

Programi “pas shkolle”

1. Programi “pas shkolle” përfshin programin jo të detyrueshëm të veprimtarive të organizuara

dhe të strukturuara, të cilat zhvillohen jashtë orarit mësimor të detyruar dhe ka për qëllim përforcimin

e të nxënit, zhvillimin gjithëpërfshirës të aftësive edukative, sociale, sportive, kulturore dhe krijuese

të nxënësve, veprimtari të cilat zhvillohen nëpërmjet trajnuesve.

2. Ministria përgjegjëse për arsimin financon programin “pas shkolle” nga fondi buxhetor i

miratuar për këtë qëllim, për çdo vit buxhetor, nëpërmjet akordimit të fondeve për zyrat vendore të

arsimit parauniversitar për realizimin e këtij programi.

3. Organizimi dhe zhvillimi

i programit “pas shkolle”, kategoritë, kriteret dhe mënyra e

përzgjedhjes, shpërblimi i trajnuesve, si dhe mënyra e financimit të këtij programi bëhet sipas

përcaktimeve me vendim të Këshillit të Ministrave.