Për Agjencinë e Mbikëqyrjes në Sistemin e Ekzekutimit të Vendimeve Penale

Lloji: Ligj

Fletore Zyrtare: nr. 64, datë 2026-03-27

LIGJ

Nr. 28/2026

PËR AGJENCINË E MBIKËQYRJES NË SISTEMIN E EKZEKUTIMIT

TË VENDIMEVE PENALE

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka si qëllim krijimin e Agjencisë së Mbikëqyrjes në Sistemin e Ekzekutimit të

Vendimeve Penale për mbikëqyrjen e subjekteve të përcaktuara në këtë ligj.

Neni 2

Objekti

Ky ligj ka për objekt përcaktimin e misionit, të statusit, të mënyrës së organizimit e të

funksionimit të Agjencisë së Mbikëqyrjes në Sistemin e Ekzekutimit të Vendimeve Penale,

karrierën, si dhe të drejtat, detyrat e përgjegjësitë e punonjësve të kësaj agjencie.

Neni 3

Misioni

Agjencia ka për mision parandalimin, mbikëqyrjen, hetimin dhe garantimin e zbatimit të

ligjit nga punonjësit e strukturave, të burgosurit dh personat nën mbikëqyrje nga Shërbimi i

Provës, që cenojnë regjimin e strukturave, me qëllim mbrojtjen e interesave të ligjshëm të

shtetit, strukturave dhe të drejtave e lirive themelore të njeriut, nga veprimet ose mosveprimet

e kundërligjshme të tyre.

Neni 4

Subjektet e mbikëqyrjes

Subjektet ndaj të cilave ushtrohet mbikëqyrja sipas kuptimit të këtij ligji janë:

a) punonjësit e Drejtorisë së Përgjithshme të Burgjeve;

b) punonjësit e institucioneve të ekzekutimit të vendimeve penale;

c) punonjësit e Policisë së Burgjeve;

ç) të burgosurit;