Për ratifikimin e marrëveshjes së huas ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për Projektin për Reagimin ndaj Emergjencës COVID-19 në Shqipëri

Lloji: Ligj

Fletore Zyrtare: nr. 223, datë 2020-12-21

LIGJ

Nr. 144/2020

PËR RATIFIKIMIN E MARRËVESHJES SË HUAS NDËRMJET REPUBLIKËS

SË SHQIPËRISË DHE BANKËS NDËRKOMBËTARE PËR RINDËRTIM

DHE ZHVILLIM, PËR PROJEKTIN PËR REAGIMIN NDAJ EMERGJENCËS COVID-19 NË SHQIPËRI

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja e huas ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim për projektin për reagimin ndaj emergjencës COVID-19 në Shqipëri, në shumën prej 15 000 000 (pesëmbëdhjetë milionë) eurosh, sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 3.12.2020.

Shpallur me dekretin nr. 11869, datë 15.12.2020 të Presidentit të Republikës së Shqipërisë, Ilir Meta

NUMRI I HUAS: 9160-AL

MARRËVESHJE HUAJE

(PROJEKTI PËR REAGIMIN NDAJ EMERGJENCËS COVID-19 NË SHQIPËRI)

NDËRMJET REPUBLIKËS SË SHQIPËRISË DHE

BANKËS NDËRKOMBËTARE PËR RINDËRTIM DHE ZHVILLIM

Marrëveshja fillon nga Data e Nënshkrimit ndërmjet Republikës së Shqipërisë (Huamarrësi) dhe Bankës Ndërkombëtare për Rindërtim dhe ZHVILLIM (Banka). Me anë të kësaj Marrëveshjeje Huamarrësi dhe Banka bien dakord si më poshtë:

Neni I

Kushtet e Përgjithshme; përkufizimet