Për faljen e detyrimeve të sigurimeve shoqërore, që ish-punonjësit e nëntokës kanë ndaj Institutit të Sigurimeve Shoqërore, të llogaritura për periudhën që kanë përfituar, sipas ligjit nr. 8685, datë 9.11.2000, “Për një trajtim të veçantë të punonjësve që kanë punuar në miniera në nëntokë”, të ndryshuar, të cilët njëkohësisht kanë zhvilluar aktivitet ekonomik si të punësuar ose vetëpunësuar

Lloji: Ligj

Fletore Zyrtare: nr. 3, datë 2021-01-08

LIGJ

Nr. 167/2020

PËR FALJEN E DETYRIMEVE TË SIGURIMEVE SHOQËRORE, QË

ISH-PUNONJËSIT E NËNTOKËS KANË NDAJ INSTITUTIT TË SIGURIMEVE

SHOQËRORE, TË LLOGARITURA PËR PERIUDHËN QË KANË PËRFITUAR,

SIPAS LIGJIT NR. 8685, DATË 9.11.2000, “PËR NJË TRAJTIM TË VEÇANTË

TË PUNONJËSVE QË KANË PUNUAR NË MINIERA NË NËNTOKË”,

TË NDRYSHUAR, TË CILËT NJËKOHËSISHT KANË ZHVILLUAR AKTIVITET

EKONOMIK SI TË PUNËSUAR OSE VETËPUNËSUAR

Në mbështetje të neneve 78, 83, pika 1, dhe 155 të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Neni 1

Objekti i ligjit

Ky ligj parashikon faljen e detyrimeve të papaguara që ish-punonjësit e nëntokës kanë ndaj

Institutit të Sigurimeve Shoqërore për periudhën që ata janë trajtuar me përfitimet e caktuara,

sipas ligjit nr. 8685, datë 9.11.2000, “Për një trajtim të veçantë të punonjësve që kanë punuar në

miniera në nëntokë”, të ndryshuar, të cilët njëkohësisht kanë zhvilluar aktivitet ekonomik si të

punësuar ose vetëpunësuar”.

Neni 2

Personat përfitues

Përfitojnë nga ky ligj të gjithë ish-punonjësit e nëntokës, që janë debitorë ndaj Institutit të

Sigurimeve Shoqërore, të përcaktuar në nenin 4 të këtij ligji.

Neni 3

Personat që nuk përfitojnë

Nuk përfitojnë nga fshirja e detyrimeve të parashikuara sipas këtij ligji, personat përfitues për

detyrimet që krijojnë pas datës së hyrjes në fuqi të këtij ligji.

Neni 4

Falja e gjobave