Për një shtesë në ligjin nr. 7703, datë 11.5.1993, “Për sigurimet shoqërore në Republikën e Shqipërisë”, të ndryshuar
Akti normativ nr. 33/2020, datë 11 dhjetor 2020, nga Ministria e Financave dhe Ekonomisë.
- Numri
- 33/2020
- Data e miratimit
- 11 dhjetor 2020
- Botuar në Fletoren Zyrtare
- nr. 217, 14 dhjetor 2020
- Hyn në fuqi
- 14 dhjetor 2020
- Teksti zyrtar
- Qendra e Botimeve Zyrtare
Fillimi i tekstit
Lloji: Akt normativ
Fletore Zyrtare: nr. 217, datë 2020-12-14
AKT NORMATIV
Nr. 33, datë 11.12.2020
PËR NJË SHTESË NË LIGJIN NR. 7703, DATË 11.5.1993, “PËR SIGURIMET
SHOQËRORE NË REPUBLIKËN E SHQIPËRISË”, TË NDRYSHUAR
Në mbështetje të nenit 101 të Kushtetutës, me propozimin e ministrit të Financave dhe
Ekonomisë, Këshilli i Ministrave
VENDOSI:
Neni 1
Pas nenit 5/1/a, të ligjit nr. 7703, datë 11.5.1993, “Për sigurimet shoqërore në Republikën e
Shqipërisë”, të ndryshuar, shtohet neni 5/1/b, me këtë përmbajtje:
“Neni 5/1/b
Trajtim i veçantë familjar
Familja, e cila ka humbur aksidentalisht pjesëtarë të saj, si pasojë e veprimeve të kryera gjatë
ushtrimit të detyrës nga punonjës të organeve ligjzbatuese, përfiton trajtim të veçantë financiar
deri në masën e tetëfishit të pensionit social.
Trajtimi
i veçantë financiar dhe anëtari që përfiton në emër të familjes, përcaktohet me
vendim individual të Këshillit të Ministrave dhe financohet nga buxheti i shtetit.”.
Ky akt normativ hyn në fuqi menjëherë dhe botohet në Fletoren Zyrtare.
Neni 2
KRYEMINISTËR
Edi Rama
1
Kopje jozyrtare. Fuqi ligjore ka vetëm teksti i botuar në Fletoren Zyrtare. Statusin e aktit kontrollojeni te burimi zyrtar. Kjo nuk është këshillë juridike.