Për krijimin e Agjencisë Kombëtare të Shërbimeve Arsimore

Lloji: Ligj

Fletore Zyrtare: nr. 102, datë 2026-05-18

LIGJ

Nr. 43/2026

PËR KRIJIMIN E AGJENCISË KOMBËTARE TË SHËRBIMEVE ARSIMORE

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Objekti i këtij ligji është krijimi dhe përcaktimi i rregullave të organizimit dhe të funksionimit të

Agjencisë Kombëtare të Shërbimeve Arsimore (në vijim “Agjencia”).

Neni 2

Qëllimi

Qëllimi i këtij ligji është sigurimi i kushteve për ofrimin e shërbimeve arsimore në përputhje me

legjislacionin përkatës të secilit prej shërbimeve, duke siguruar cilësi, transparencë, eficiencë dhe

efikasitet të vlerësimeve në interes të publikut.

Neni 3

Misioni i Agjencisë

Agjencia ka si mision garantimin e interesit publik në ofrimin e shërbimeve në fushën e arsimit,

të profesioneve të rregulluara, të vlerësimeve kombëtare dhe ndërkombëtare në fushën e arsimit, si

dhe nxitjen e përmirësimit të shërbimeve arsimore dhe krijimin e kushteve të favorshme në interes të

publikut.

Neni 4

Parimet e veprimtarisë së Agjencisë

Për arritjen e qëllimeve dhe për përmbushjen e kompetencave të parashikuara në këtë ligj, përgjatë

veprimtarisë së saj Agjencia ndjek e zbaton parimet e mëposhtme:

a) parimin e ligjshmërisë;

b) parimin e objektivitetit;

c) parimin e bashkëpunimit ndërinstitucional;

ç) parimin e proporcionalitetit;

d) parimin e transparencës;